இனி பேரழிவின் காலம்…! அமெரிக்காவில் டிரம்ப் வெற்றி? கடந்த நூற்றாண்டில் ஒரு ஹிட்லர் இருந்தார் – இந்த நூற்றாண்டில் இன்னும் பல ஹிட்லர்கள் உருவாகிறார்கள் என்பதற்கான முன்னெச்சரிக்கையாக இதனை எடுத்துக்கொள்ளலாம்!

அமெரிக்க தேர்தல் வாக்கு எண்ணிக்கையில் குடியரசு கட்சியின் டொனால்டு டிரம்ப் முன்னிலையில் இருப்பதாக செய்திகள் கூறுகின்றன.

அமெரிக்கர்கள் தங்களின் சுயநலத்துக்காக உலகையே பலி கொடுக்க தயங்க மாட்டார்கள் என்பதை இது மீண்டும் ஒருமுறை உறுதிசெய்கிறது.
முன்னர் பிரிட்டன் ஐரோப்பிய ஒன்றியத்திலிருந்து வெளியேறியது. இப்போது அமெரிக்காவில் டிரம்ப் வெற்றி பேறுகிறார். இவையெல்லாம், வலதுசாரிகளின் ஆதிக்கம் உலகில் அதிகரிப்பதை எடுத்துக்காட்டுகின்றன. இது பேரழிவின் தொடக்கமாக இருக்கலாம்.

உலகமே கொண்டாடிய ஐநா காலநிலை உடன்படிக்கை, 24 ஆண்டு பேச்சுவார்த்தைக்கு பின்னர் நவம்பர் 4 ஆம் தேதி செயல்பாட்டுக்கு வந்தது. அதிலிருந்து ஒருவாரம் கூட ஆகவில்லை. அதற்குள், அந்த உடன்படிக்கையில் இருந்து வெளியேறப்போவதாக கூறிய டிரம்ப் வெற்றி பெற்றுள்ளார்.

நிலக்கரி நிறுவனங்கள், பெட்ரோலிய நிறுவனங்களுக்கு தீவிர ஆதரவான ஒரு அரசு அமெரிக்காவில் அமையப்போகிறது. வெளிநாட்டினர் உள்ளே நுழைவதை தடுக்கும் அரசு வரப்போகிறது. மனித உரிமைகளை மதிக்காத அரசாகவும் அது இருக்கலாம்.

கடந்த நூற்றாண்டில் ஒரு ஹிட்லர் இருந்தார் – இந்த நூற்றாண்டில் இன்னும் பல ஹிட்லர்கள் உருவாகிறார்கள் என்பதற்கான முன்னெச்சரிக்கையாக இதனை எடுத்துக்கொள்ளலாம்!

முகநுால்பதிவு
Arul Rathinam